ङाके लहो ढुट रोस पाहाके मन ले
कान मगर मिजा ढेमाङ टाहाके मन ले
सेहेच कुरा फकुङ र पाहाके परिस्ले
न्हुन्लाक काछानास अब अघेर राहाके परिस्ले
काङ्कोके म्हाकाङ खास्चकोके किमिक्के परिस्ले
कानुङ मिजाकोके कानुङ लोयाट जिमिक्के परिस्ले
पढिस्निखिङ ढेम्च ठगानाङ कान टाकिङ अब
बाज्यु, बराज्युकोइ पुन्मो पाच कुरा राकिङ अब
सोरठी, कौडा, घाटु, झ्याउरे कानुङ गहना आले
इसकोके झाङ्साकिङ हटौ लहोपन राहाले
मापढिस्मो भारी बुमो, घोएमो ह्वा बराजुको
स्याट्मो आल्च मराङ ल्हेट्मो राकिङ काङ्को
फकोइ ढिहिके नट्हेके काटजुट छानिङ अब
पट्टकोइ वाहारिङ मिन्हाम गोराक राकिङ अब
मगर आले डेमो माछान्ले ढुट र ङाक्के परिसा
ज्याच, गाच, बिल्माङ जाटिय पहिचान राक्के परिसा
माचहिस्च खर्च हटौ हान गाके माछाना
माडिन्ले जिवाक फेरि फेरि खेराङ काके माछाना
मासेहेच रोस डासिङ अब मिन्हाम सोच डइङ
आर्थिक उन्नति जाट्के सेहेच लाम पइङ
होडिकै मुके माछान्ले हिडको काम जाटिङ
पट्ट मगर काट छान्के परिस्ले पट्ट न खाटिङ
टाक्ढ्याङ ड जहाँ, लहो लामाङ राहाके परिस्ले
मगर काङ्को इसै कुरा गिनाङ छाहाके परिस्ले
Leave a Reply