झोर्ले जेडउ सीमीङेपाउ, मनीटा जाटमई राहामन
लखन ठापा मीसी र्हीन, सीमह्लेसकोके घोट् याहामन
फेर–कीम ढेम–लीट फेन, म्हूस –लीटठर डूपलीङ मगर
खयाकाव झाङ–साङ लेच सीङ, आरमीन डालेसा अघर
मगराट पाके जाटीङ, पर्ढीसपा मेझाङ पर्ढीसीङ
बूड्ढलख स्वाढ्या हटई, मगरको यघेर पढ्ढीसीङ
मगरकूङ हाङ सूलेया, ठूम–ठाङ पईङ पट्टई
गूमस्ठा गूईयाके खासीङ, खाट्म ह्वासीङ कठहई
खान्चा मीन्चउ खलक, चीन्डीके डूपके छानीङ
लीसाङ मेल्होङ जाटीङ, पेलीसाङ आगारले मानीङ
पुन, थापा, राना, आले, रोका, घर्ती, बुढा सेचाले
मगरकूङ कईरन टून, फड्या ढलीङ(जाहा्म)लेचाले
ढूट–लीपि, धर्म, छ्यापके, ङायाव सीपलाङ ह्वाम
कानूङ रोस जीवाटीङ, टनाक्म हील्सा–डीहीम् स्याहाम
काईके खामपाङ ढूट, मगर ढूट्के ङाक्मन होईङ
रीक्के परढीस्के अक्खारीका, पईङन परीस्मा गोहीङ
माघ्या, चन्डी, भूम्या, खूरसाहाक १५ मईढार जाटीङ
ज्याच–गाच बील्मउ खास्मा, यसपाङ लाखाटो खासीङ
मीटूमाङ लोयाट मीडीन्के गोराक, कासेउन जीवाके पहीङ
गूईयाके झर्रा जाट्मन झेराक, काट इमाङ झूरुम्म होईङ
Leave a Reply