मइढूट ड लोयाट
हरिकला थापा मगर ुहरिताु
ढूटोरीक च छाबूको ओस्मा टाले
मइढूट कानूङ चीन्डीयाक आले
लहो मइढूट ङाक्के कराके माले
लाहा ङाक्ढ्याङ्की मीजाकोइर पाहाले ।
वाहार्चकोइ पाहाकीङ मावाहार्चकोइ पहिङ
कानूङ ढूट कानूङ अक्कील हटै सीप
जोगरीके भेरेट्के मीजाकोआङ सारीके ह्याका डइङ
लोयाट यो टेम सूएड मायाहाले स्याट्म लइङ ।
भासो ड शासन जाटो ओ नीटीए
कान्कोके गनाक्म पूनाक्म भास्म आना
काने कानूङ अक्कील सीप ढूटो लोयाट डास्म आना
इटै छान्म कानूङ रोसरेवस ड म्हाँस्म आना ।
आबो काने कानूङ ढूट वाटाकीङ
कानूङ अघेर्या अक्कील सीप स्याटाकीङ
रोस्रेवस आर्खोप्म नूङीङ
मावाहार्चकोइ पहीङ्लइङ वाहार्चकोइ पूङीङ ।
हिटेम कान न्हून्लाक परीसा ?
इसे ङाँक पट्टए पाके गीनाङ डाके परीसा
अक्कील ओलोक्म रीक्म रीन्के रीनाक्के परीसा
ङीहीम च लोयाट माढीन्ने स्याट्म लाके परीसा ।
Leave a Reply